गाँव के स्कूल मा जब शुरू होइ गइ नकल
उत्तर ढूढई मा सब लगावय आपन अकल|
लड़िका कहई पढी लीन्हे दादा
सब लिखि डारब है हमरऊ वादा |
नकल करावय लडिका के आये भाई बाप
नकल करावय पढे लिखे और अँगूठा छाप |
मास्टर कुछु कहै ता कहैं बहिरे देखि लेब
चुटका फ़ार के डलिन अपने अपने जेब |
एक दुई ठे पुलिसऊ रहे बहिरे तैनात
पुलिसऊ चुटका पहुचाबै कहैं आहि हमरऊ नात |
नकल के चक्कर मा कुछ नही पढे लिखे रहे
एखर ओमा ओखर एमा सबहिन लिखे पड़े रहे |
बाप कहैं लाला आज बहुत नकल ता कीन्हे
मिलतै नही रहा तोखा कहे रहेन पढी लीन्हे |
छोड़ देब पढाई जो हम इया साल फैल भयेन
तोरे चक्कर मा तीन चार उत्तर से चूक गयेन |
परीक्षा लड़िका दिहिन और बाप चुटका दिहिन
सब प्रश्न के उत्तर अथवा ओथवा सब किहिन |
----विवेक वर्मा